తెలుగు స్తోత్రములు

విశ్వం దర్పణదృశ్యమాననగరీతుల్యం నిజాంతర్గతం పశ్యన్నాత్మని మాయయా బహిరివోద్భూతం యథా నిద్రయా యః సాక్షాత్కురుతే ప్రబోధసమయే స్వాత్మానమేవాద్వయం తస్మై శ్రీగురుమూర్తయే నమ ఇదం శ్రీదక్షిణామూర్తయే || ౧ || బీజస్యాంతరివాంకురో జగదిదం ప్రాఙ్నిర్వికల్పం పునః మాయాకల్పితదేశకాలకలనావైచిత్ర్యచిత్రీకృతమ్ మాయావీవ విజృంభయత్యపి మహాయోగీవ యః స్వేచ్ఛయా తస్మై శ్రీగురుమూర్తయే నమ ఇదం శ్రీదక్షిణామూర్తయే || ౨ || యస్యైవ స్ఫురణం సదాత్మకమసత్కల్పార్థగం భాసతే సాక్షాత్తత్త్వమసీతి వేదవచసా యో బోధయత్యాశ్రితాన్ యత్సాక్షాత్కరణాద్భవేన్న పునరావృత్తిర్భవాంభోనిధౌ తస్మై శ్రీగురుమూర్తయే నమ ఇదం శ్రీదక్షిణామూర్తయే || ౩ || నానాచ్ఛిద్రఘటోదరస్థితమహాదీపప్రభాభాస్వరం జ్ఞానం యస్య తు చక్షురాదికరణద్వారా బహిః స్పందతే జానామీతి తమేవ భాంతమనుభాత్యేతత్సమస్తం జగత్ తస్మై శ్రీగురుమూర్తయే నమ ఇదం శ్రీదక్షిణామూర్తయే || ౪ || దేహం ప్రాణమపీంద్రియాణ్యపి చలాం బుద్ధిం చ శూన్యం విదుః స్త్రీబాలాంధజడోపమాస్త్వహమితి భ్రాంతా భృశం వాదినః మాయాశక్తివిలాసకల్పితమహావ్యామోహసంహారిణే తస్మై శ్రీగురుమూర్తయే నమ ఇదం శ్రీదక్షిణామూర్తయే || ౫ || రాహుగ్రస్తదివాకరేందుసదృశో మాయాసమాచ్ఛాదనా...

శ్రీ యంత్రోద్ధారక హనుమత్ స్తోత్రం నమామి దూతం రామస్య సుఖదంచ సురద్రుమమ్ । పీనవృత్తమహాబాహుం సర్వశత్రునిబర్హణమ్ ॥ నానారత్నసమాయుక్తకుణ్డలాదివిభూషితమ్ । సర్వదాభీష్టదాతారం సతాం వై దృఢమాహవే ॥ వాసినం చక్రతీర్థస్య దక్షిణస్థగిరౌ సదా । తుఙ్గామ్భోధితరఙ్గస్య వాతేన పరిశోభితే ॥ నానాదేశాగతైః సద్భిః సేవ్యమానం నృపోత్తమైః । ధూపదీపాదినైవేద్యైః పఞ్చఖాద్యైశ్చ శక్తితః ॥ భజామి శ్రీహనూమన్తం హేమకాన్తిసమప్రభమ్ । వ్యాసతీర్థయతీన్ద్రేణ పూజితం ప్రణిధానతః ॥ త్రివారం యః పఠేన్నిత్యం స్తోత్రం భక్త్యా ద్విజోత్తమః । వాంఛితం లభతేఽభీష్టం షణ్మాసాభ్యన్తరే ఖలు ॥ పుత్రార్థీ లభతే పుత్రం యశోఽర్థీ లభతే యశః । విద్యార్థీ లభతే విద్యాం ధనార్థీ లభతే ధనమ్ ॥ సర్వథా మాస్తు సన్దేహో హరిః సాక్షీ జగత్పతిః । యః కరోత్యత్ర సన్దేహం స యాతి నరకం ధ్రువమ్ ॥ ఇతి శ్రీవ్యాసతీర్థవిరచితమ్ యంత్రోద్దారక హనుమత్స్తోత్రం సమ్పూర్ణమ్...