శ్రీ ఆంజనేయ భుజంగ స్తోత్రం - Anjaneya Bhujanga Stotram - తెలుగు స్తోత్రములు
ప్రసన్నాంగరాగం ప్రభాకాంచనాంగం
జగద్భీత శౌర్యం తుషారాద్రి ధైర్యమ్ |
తృణీభూత హేతిం రణోద్యద్విభూతిం
భజే వాయుపుత్రం పవిత్రాప్త మిత్రమ్ || 1 ||
భజే పావనం భావనా నిత్యవాసం
భజే బాలభానుప్రభాచారుభాసమ్ |
భజే చంద్రికా కుంద మందార హాసం
భజే సంతతం రామభూపాల దాసమ్ || 2 ||
భజే లక్ష్మణప్రాణరక్షాతిదక్షం
భజే తోషితానేకగీర్వాణపక్షమ్ |
భజే ఘోర సంగ్రామ సీమాహతాక్షం
భజే రామనామాతి సంప్రాప్త రక్షమ్ || 3 ||
కృతాభీల నాధక్షిత క్షిప్త పాదం
ఘన క్రాంత బృంగం కటిస్థోరు జాంఘమ్ |
వియద్వ్యాప్త కేశం భుజాశ్లేషితాశ్మం
జయశ్రీ సమేతం భజే రామదూతమ్ || 4 ||
చలద్వాలఘాతం భ్రమచ్చక్రవాళం
కఠోరాట్టహాసం ప్రభిన్నాబ్జ జాండమ్ |
మహాసింహనాదా ద్విశీర్ణ త్రిలోకం
భజే చాంజనేయం ప్రభుం వజ్రకాయమ్ || 5 ||
రణే భీషణే మేఘ నాదే సనాధే
సరోషీ సమారోపణామిత్ర ముఖ్యే |
ఖగానాం ఘనానాం సురాణాం చ మార్గే
నటంతం సమంతం హనూమంత మీడే || 6 ||
ఘనద్రత్న జంభారి దంభోళి భారం
ఘనద్దంత నిర్ధూత కాలోగ్రదంతమ్ |
పదాఘాత భీతాబ్ధి భూతాది వాసం
రణక్షోణి దక్షం భజే పింగళాక్షమ్ || 7 ||
మహాగ్రాహపీడాం మహోత్పాతపీడాం
మహారోగపీడాం మహాతీవ్రపీడామ్ |
హరత్యస్తు తే పాదపద్మానురక్తో
నమస్తే కపిశ్రేష్ఠ రామప్రియాయ || 8 ||
జరాభారతో భూరి పీడాం శరీరే
నిరాధారణా రూఢగాఢ ప్రతాపీ |
భవత్పాద భక్తిం భవద్భక్తి రక్తిం
కురు శ్రీ హనుమత్ప్రభో మే దయాళో || 9 ||
మహా యోగినో బ్రహ్మ రుద్రాదయో
వా న జానంతి తత్త్వం నిజం రాఘవస్య |
కథం జాయతే మాదృశే నిత్యమేవ
ప్రసీద ప్రభో వానరేంద్రో నమస్తే || 10 ||
నమస్తే మహాసత్వా వాహాయ తుభ్యం
నమస్తే మహావజ్రదేహాయ తుభ్యమ్ |
నమస్తే పరీభూత సూర్యాయ తుభ్యం
నమస్తే కృతామర్త్య కార్యాయ తుభ్యమ్ || 11 ||
నమస్తే సదా బ్రహ్మచర్యాయ తుభ్యం
నమస్తే సదా వాయుపుత్రాయ తుభ్యమ్ |
నమస్తే సదా పింగళాక్షాయ తుభ్యం
నమస్తే సదా రామభక్తాయ తుభ్యమ్ || 12 ||
హనూమద్భుజంగప్రయాతం ప్రభాతే
ప్రదోషేఽపివా చార్ధరాత్రేపి మర్త్యః |
పఠన్నశ్నతోzపి ప్రముక్తోఘజాలో
సదా సర్వదా రామభక్తిం ప్రయాతి || 13 ||
కామెంట్లు
కామెంట్ను పోస్ట్ చేయండి